انا رجعت تانى

رجعت تانى للمدونة بعد غياب سنين و اوعدكم بمقالات و معلومات جديدةهنتكلم فى كل حاجة و هنتناقش فى كل حاجة

يا ريت

الى كل اللى بيسالونى عن فيلم طول عمرى و اللى عايزين نسخة
أنا زى زيكم نفسى أشوفه انا مجرد لاقيت اعلانه على اليوتيوب و ما أعرفش عنه أكتر منكم
و ربنا يسهل و اصحابة يتفضلوا و يرفعوه على النت عشان نشوفوا
و لو لاقيته أوعدكم برفعه على المدونة

الفيلم النادر

محاكمة كوين بوت الشهيرة و لحظة النطق بالحكم و صراخ المظلومين خلف القضبان
فيلم وثائقى من داخل قاعة المحكمة
اضغط على هذا الرابط للتحميل
http://rapidshare.com/files/150803365/1-Cairo52_Trial-_Raw_Footage.wmv.html
مش هتقدر تغمض عينيك

الحمامات العامة

الحمامات العامة زى حمام ميدان الجيزة و حمام رمسيس و أشهرهم حمام التحرير على الأطلاق نظرا لأنه تحت الأرض و ما يشدش العين الحمام كان واخد شهرة بين الجايز بس المشكلة انهم فى بعض الأحيان كانوا بيتقلبوا عن طريق أمناء الشرطة اللى واقفة فوق بنظام سيب و أنا أسيب يعنى طلع اللى معاك و أنا أسيبك و يقولك كده عينى عينك طلع اللى معاك من فلوس و انقذ نفسك عشان تروح او يهددك انه هيجرك للقسم بتهمة ممارسة الشذوذ يعنى من الأخر أمناء الشرطة لقوا سبوبة تدخلهم كل يوم حوالى ألف جنيه من غير تعب و بقوا قاعدين هناك ليل نهار مستنين اى حد ينزل عشان يحاولوا يعرفوا نظامه ايه و بعد كده يشتغلوا عليه و يقلبوه و ساعات كتير بيعملوا نفسهم جايز عشان يجروا رجليك و عجبى
على فكرة فى ميدان التحرير و بالذات من القرب من الحمام هتشوف أشهر الجايز المرشدين اللى هيشاروا عليك للأمناء عشان يقلبوك و يقسموا سوا و ايضا أمام سنترال التحرير
و عجبى عليك يا زمن

وسط البلد

هذه المرة أتحدث عن المناطق أو أشهر الأماكن لتواجد الحرامية لأن فى جايز كتير عبط ما زالوا يفضلوا التعارف عن طريق الشارع و ده شىء خطير لأن كل الجاى بتوع الشوارع عبارة عن شوية حرامية نازلين يقلبوا موبايلات يعنى بالعربى ستريت و هارش الموضوع و نازل يقلب الخولات و عارف انهم مش هيقدروا يعملوا حاجة عشان خايفين من الفضيحة مع ان الفضيحة لو كبرت و الموضوع كبر هتمسه هو كمان بس نقول ايه أهم نازلين يعملوا سبوبة من الهوا و عامة ما يكون معاهم مطاوى لأما يثبتك و ياخد اللى معاك او لو كان فى شقتك يهددك انه هيعلى حسه و يفضحك فى العمارة و يبتدى يضرب فيك أه والله ده بيحصل
يا ناس يا هوه خلاص مرحلة التعارف من الشارع خلصت من زمان و الله كل الموجود دلوقتى معظمهم حرامية و عارفين هيعملوا ايه و اشهر الأماكن كوبرى قصر النيل و معظم اللى عليه حراميه و عارفين يتعاملوا ازاى مع الجاى عن طريق النظرة و الأبتسامة و جرك للخية برجليك و ده طبيعى عشان كوبرى قصر النيل قريب من بولاق الدكرور و ارض اللوا و أكيد انتوا عارفين نوعية الناس اللى عايشة هناك فطبيعى انهم يعملوا أى حاجة عشان يجيبوا القرش يسرقوا و يثبتوا و يقتلوا لو حكمت الظروف بس المهم يجيبوا القرش كل اللى فى دماغهم و اللى عايزينه من الدنيا باكيتة بانجو أو صباع حشيش عشان يصطبحوا بيها و التمن احنا اللى ندفعه من فلوسنا و كرامتنا و أعصابنا الله يحرق كل حرامى يروع الناس و يهددهم و طبعا مش عايزين ننسى كنتاكى التحرير و كم الزبالة اللى واقفة هناك و هما نوعين نوع حرامى و شغال لوحده أو حرامى ضمن عصابة و عارف هيعمل ايه كما شرحت لكم فى مقالات اخرى و بعد كده أهم مكان بؤرة الحرامية السوابق ميدان رمسيس و حمام ميدان رمسيس و الحرامية هناك عاملينها دوريات أو نوبطجيات بينهم و بالذات فى شارع الجلاء عند تقاطعه مع شارع شبرا هتلاقوا هناك نوعية من أسواء و اخطر الحرامية و مع ده كله بتلاقهيم و اقفين هناك يوميا و مشهورين قوى بالسرقة و التثبيت و ساعات ما بيستناش لما يروح معاك البيت لأ بعد ما يركب العربية تلاقي لأما يقولك أنا أمين شرطة و طلع اللى معاك عشان اسيبك أو يحط المطوه فى جنبك و ياخد موبايلك و فلوسك و يجرى أو يجرجرك لعنده فى الشقة و يقلبك هناك على رواقة تحت تهديد السلاح
و عندى قصص كتير من جاى اتثبتوا عشان عرفوا واحد من الشارع و على فكرة الحرامى دلوقتى مابقاش شكله زى ما كنا نتعودين فى ألأفلام القديمة لأ خلاص ده موضة قديمة الحرامى دلوقتى شكله كويس و لابس شيك و بيتكلم بكل ذوق لحد ما تيجى الفرصة و تلاقيه اتقلب ३६० درجة و بقى حاجة تانية هتلاقى شخص عربجى ابن وسخة بيشتمك و يلعنك انك خول و يرعبك عشان ياخد اللى معاك
واللى يعيش يا ما يشوف

انتظروا المفاجأة

قريبا
فيلم تسجيلى وقائعى من داخل قاعة المحكمة لأحداث قضية كوين بوت
سوف أقوم برفعه قريبا للتحميل

بلد ريا و سكينه

اسكندرية كمان و كمان
بصراحة الحديث عن حوادث السرقة و النصب فى اسكندرية مالوش أخر و بالذات انهم يتميزوا بالقدرة على الصيد
المرة ده هاتكلم عن بير مسعود و الجاى اللى هناك
بعد ما تتعرف على حد فى بير مسعود و تقفوا تكلموا مع بعض هتلاقيه بيسحبك ناحية البحر بحجة ان الجو أهدى و ممكن تتكلموا بحرية و طبيعى انك مش هتحط خوانة بس خلى بالك ده اخطر نوع من التثبيت عشلن ده معا سلاح يعنى أول ما هتكونوا بعيد عن الناس هيفتح عليك السلاح عشان ياخد اللى معاك كله و لو حاولت تعافر معاه هيضربك بالمطوه فى و شك و ده حصل قبل كده كتير
و لو حبيت تتمشى على الكورنش و تتعرف على أى حد ما انصحكش لأن كل اللى على الكورنيش نازلين يقلبوا موبايلات يعنى حرامية من الأخر
شباب ستريت صايع مش لاقى شغله و هارش موضوع الجاى و نازل يسترزق

بار الشيخ على

الأسكندرية الجميلة الساحرة
و أحب أن أكررها للمرة الثانية هناك فئة قليلة محترمة فى اسكندرية و لكن للأسف قليلة جدا
المهم خلينا فى موضوعنا و هوه نشر أكبر قدر ممكن من طرق السرقة و النصب حتى يحتاط الجميع
زى ما قلت ان اسكندرية مليانة حرامية و نصابين و من الصعب انك تشك فى الحرامى هناك لأنه هيكون لابس شيك جدا و معاه موبايل حديث و اكسسوارات هتخليك تقول انه ابن ناس لكن للأسف الشىء لزوم الشىء
فهناك بار مشهور فى اسكندرية للجاى اسمه كاب دور أو للعموم باسم بار الشيخ على طبيعى انك هتروح تسهر فيه مع أصحابك لو انته فى اسكندريه
لكن خلى بالك هتلاقى حرامية و نصابين كتير حواليك يعنى ببساطة هتتعرف على حد من هناك و هيكون شكله و سيم و بيتكلم لغات و شكله شيك و هتتبادلوا أرقام التليفون و لكن بعد ماتقابله و تقعدوا مع بعض و تبقوا قالعين من غير هدوم هتلاقه يقول انه بوليس و ان المكالمات متسجلة و ان القوة مستنية تحت الأشارة عشان تهجم و انتوا فى حالة تلبس
طبيعى انك هتنهار و تحتاس و تبقى عايز تخرج من الموضوع ده بأى شكل و الحل الوحيد انك تديله فلوس و لو معاكش يكمل هيتفق معاك انكم تروحوا لأقرب ماكينة فيزا عشان تسحب فلوس و تدهاله و بيعى مش هياخد اقل من २००० جنيه أو أكتر يعنى حسب ما يشوف اتنه تقدر تدفع كام و بعد كده ياخد الموبايل بتاعك و يختفى النصاب ابن الوسخة و تكتشف ان اتضحك عليك و تبوظ الأجازة عليك انته و أصحابك و يروح الحرامى يختفى كام يوم و يظهر تانى فى نفس المكان بحوار مختلف
حسبى الله و نعم الوكيل فى كل حرامى أو نصاب سرق أى جاى تحت لحظة ضعف

اسكندرية كمان و كمان

الأسكندرية و حواراتها
مع كل احترامى للجاى المحترمين فى اسكندرية و ان كانوا قلة فاسكندرية مشهورة بالتثبيت و النصب و السرقة بطريقة غريبة و الحكاوى كتير و كتير
لو اتعرفت على حد من اسكندرية على المانجام و قابلته فى القاهرة لازم يسرقك و هوه ماشى يعنى بعد ما تجيبه القاهرة و تتعرف عليه و تاخده معاك الشقة لازم ياطش حاجة و هوه ماشى كأنه هوه ده السلوك الطبيعى بتاعهم و ده كده بسيط لكن لو قابلته هناك طبيعى انك هتأجر شقة و تقابله فيها و هتلاقيه حبوب و لذيذ و لسانه بينقط شهد لكن لو نمت هتصحى تلاقيه مختفى هوه و شنطتك و حاجتك بالكامل و ماتبقاش عارف تعمل ايه غير انك تتصل بحد من القاهرة يطلع يجيبك و انته منهار و محتاس
فى طريقة تانيه مشهورين بيها هناك بالذات لو انته من هواة التعارف على الجاى فى الشارع بعد ما يتعرف عليك و يطلع معاك الشقة هتلاقيه بيكسر فى الشقة بطريقة جنونية عشان يرعبك و يمسك رقبة ازازة و يهددك بيها بس ده بيحصل لو ماكانش معاه مطوه طبيعى انك هتتسرق تحت تهديد السلاح و طبعا ده بعد ما تكون قلعت هدومك خالص و لو لقاك جامد أول ما هتخش الحمام هتلاقيه أخد اى حاجة و جرى من الشقة
محطة الرمل و حوارات محطة الرمل تقربيا معظم اللى هناك حرامية بنسبة 100% بس بيختلفوا فى طريقة السرقة لكن أشهرها التثبيت بالمطوه يعنى لو أخدت معاك حد الشقة هتلاقيه اصحابه حصلوه و الضرب و الشتيمة و هياخدوا حاجتك و يجروا و يسيبوك عريان
حتى لو كنتوا شلة مع بعض و تفتكروا ان كده امان برده مفيش فايدة هتلالقيهم بيعرضوا عليكو يعرفوكوا على اصحابهم و تلقو شلة بنفس ععدكم معاكم فى الشقة و عند كحة معينة من زعيمهم هتلاقوا كل شىء اتغير 360 درجة و الناس اللى انتوا كنتوا لسه قاعدين بتهزروا معاهم و عزمتوهم على أكل و شرب يقوموا و كل واحد فيهم يمسك سلاح زى ما يكون
مطوه أو سكينة من المطبخ يعنى حسب ما هيكون مجهز و يشتموا فيكوا باوسخ الشتايم و يضربوكوا بالحزام و ياخدوا الحاجة و يجروا
و للحديث بقية

مقالة غريبة نقلتها من موقع جريدة المصريين

مقالة غريبة نقلتها من موقع جريدة المصريين و لا أعلم مدى صحة ما فيها من معلومات و الله و أعلم

من جريدة المصريون شكل عدد من الشواذ جنسيا رابطة أطلقوا عليها "الأحباء" انضم إليها ما يقارب الـ 600 شاذ في أقل من أسبوعين، ويتخذ أعضاؤها من مقهى بوسط القاهرة مقرا مؤقتا لهم، حيث يسعون من وراء ذلك إلى الضغط على الدولة للاعتراف بـ "حقهم" في ممارسة اللواط، وتشكيل حزب لهم. وقدر رئيس الرابطة، ويدعى سامح وهو في منتصف العشرينات ويعمل محاسبا في شركة استثمارية، عدد الشواذ في مصر بنحو مائة ألف شخص من مختلف الأعمار والفئات المهنية، قال إنهم لا يحظون بالاعتراف بـ "حقوقهم" من الدولة التي تجرم المثلية الجنسية. وأكد أنهم بدءوا سلسلة عمل للمطالبة بحقوقهم، ومنها إرسال برقيات إلى الجهات التي يخصها الأمر، مثل رئاسة الجمهورية ووزارة الداخلية، وهدد باللجوء إلى الأمم المتحدة والدول الغربية التي تسمح لمواطنيها بحرية الشذوذ وذلك من أجل الضغط على الحكومة المصرية حتى يتم تعيين وزيرا مختصا بشئون الشواذ في مصر. وأشار رئيس الرابطة إلى أن هناك وسائل اتصال عدة تجمعهم ببعض أهمها بعض المنتديات على شبكة الانترنت، موضحا أن الشواذ في مصر يعرفون بعضهم البعض، ويتجمعون في المقاهي وبعض مراكز الشباب والنوادي إضافة إلى الجامعات. وأكد أن القاهرة توجد بها أكبر نسبة من الشواذ ويقترب عددهم السبعة آلاف شاذ، منهم من هو معروف في أوساط دائرة المعارف والأهل بينهم، وبعضهم يحتاط بالكتمان، ومنهم صنايعية يتخذون من دورات المياه مقرا لهم. كما أن هناك مفكرين وسياسيين وفنانين وشخصيات مرموقة دائمي الاتصال به وببعض رفاقه من الشواذ، حيث يلتقون شهريا في إحدى المدن الساحلية ويقضون "أوقاتا سعيدة"، على حد تعبيره. وأضاف رئيس الرابطة، أن الجيزة توجد بها ثاني أعلى نسبة من الشواذ، يليها الإسكندرية ثم البحيرة وبعض مراكز الدقهلية والشرقية وسوهاج والمنيا وبني سويف وأسوان وقنا. وعن فكرة الدعوة للرابطة، قال إنها تمت عن طريق موقع "فيس بوك" وبعض الأصدقاء ومن خلال لقاءات مع بعض مواقع الشواذ، وأنه بعد وضع البريد الإلكتروني الخاص به للاستفسار أو للعضوية، كانت المقابلات تتم إما على مقهى هنا أو مقهى آخر بالمهندسين، ويتم اختيار صديق في كل محافظة لمقابلة الأعضاء. وقلل من أهمية الحملات الأمنية التي تستهدف تجمعاتهم، مشيرا إلى أن مباحث الآداب فقط هي التي تستطيع القبض عليهم في حالة التلبس، أما ما يحدث فهي جلسات طبيعية، "ثم أن الذي يحدث في حالة إلقاء القبض على زملاءنا فهو عبارة عن محضر ويتم الإفراج من النيابة لأن أركان الفاحشة غير موجودة". وتهرب زعيم الشواذ من الإجابة عن سؤال لـ "المصريون" حول مخالفة ذلك للدين الإسلامي والشرائع السماوية الأخرى، واكتفى بابتسامة صغيرة، قبل أن ينسحب من النقاش، متعللا بأنه مرتبط بموعد وذهب مع ثلاثة من رفاقه.

عصابات منظمة

أتحدث هذه المرة عن عصابات منظمة عملهم الوحيد هوه سرقة الجاى فهذا مصدر رزقهم
و العصابة من دول تتكون من ६ أفراد فيما فوق و دول شغلهم منظم و عارفين بيعملوا ايه و ليهم أفلام و حوارات كتير
شوف يا عم دول شغلهم ازاى انته بعد ما تتعرف على حد و تقابله و بالذات لو كان فىأوأئل العشرينات أو أصغر و تاخده معاك البيت بعد ما تخش بعشر دقايق هتسمع خبط جامد على الباب فهتروح تفتح الباب هتلاقى حوالى خمسة أو ستة بيسألوك فين الواد اللى انته أخدته و طلعت هوه في ايه بينكم و الواد تلاقيه خارج و بيقول ده كان عايزنى أعمل سكس معاه
المهم هيتظاهروا انهم بوليس و عشان يمشوا هيفتشوا الشقة و هياخدوا كل حاجة فلوس و دهب و موبايلات و هيقلبوك فى كل حاجة و طبعا انته خايف لتتفضح فى العمارة فبتكون مش عارف تعمل ايه
خطتهم انهم يمشوا ورا الواد اللى انته معلقة من أى مكان نت أو شارع أو مول المهم الواد بيتابعهم على الموبايل بالعنوان و بيرمى ورقة أو علامة أمام باب الشقة عشان يبان انه ما لوش دعوة و انها مش تمثيلية و الموضوع بيحصل كتير بالذات لو كنت من هواة التعرف على الناس فى ميدان التحرير أو ميدان رمسيس أكيد هتعدى على الحوارات ده لأن ९० % من الجاى هناك حراميه و سوابق أو ستريت و هارش الموضوع و عارف انه بيكسب و اأهم من ده ان ما ينفعش نبلغ و لا نروح قسم بوليس و الحرامية ولاد الوسخة عارفين كده كويس بس هناك حلول أخرى كثيرة مثل الأحتياط و مقابلة الشخص كذا مرة فى مكان عام و تشوف كلامه و ميته و أخيرا خلوا بالكم من أى حد يقول توب بس
للأسف فمعظم البروفايلات اللى كاتبه توب بس بيكونوا ستريت حراميه و طبيعى مش شرط يكون الكل حراميه بس معظمهم
على فكرة نفس العصابة ممكن تخلى واحد يتعرف عليك و يقولك تعالى نروح الشغل عندى و بعد ما تطلع العمارة يقولك يااااه ده فى حد جوة يلا ننزل و نيجى كمان شوية و انته نازل هتلاقيه كان مظبط مع باقى التشكيل عشان يقابلوكوا تحت العمارة و يسألوكوا انتوا مين و بتعملوا ايه هنا و يتظاهروا انهم أمناء شرطة و ياخدوا فلوسك
و هذا التشكيل مشهور بتواجده عند حمام التحرير و كنتاكى و وسط البلد
و للحديث بقية

أسلوب التثبيت

أسلوب التثبيت له اساليب كتيرة يعنى على سبيل المثال بعد ما تقابل الشخص و تروح عنده و انته قالع تلاقوا أصحابه ظهروا و معاهم مطاوى و يبتدوا يشتموك بأوسخ الألفاظ على سبيل المثال يا ض يا خول يا متناك فين حاجتك ياه و تاقيهم بيضربوا فيك كمان بغباوة احنا هنقطعك و نفضحك وتلاقيهم بيضربوا فيك كمان بغباوة كلام من ده كتير لحد ما تخاف و تترعب فياخدوا كل حاجتك بما فيها البطاقة عشان يهددوك بعنوان بيتك لو فتحت بقك و تلاقى نفسك نازل من عندهم فى حالة رعب فظيعة و ما تبقاش عارف تعمل ايه و كل همك الفضيحة مع ان ممكن ان تكون انته اللى نايكه بس زى ما بنقول هيخدوك على مشمك و مش هتلحق تفكر و المشكلة حالة الرعب اللى بتعيشها بعد كده و عدم الثقة فى أى شخص أى حد هتبقى شايفه حرامى أو نصاب و بتاع حوارات
عامة أنا عايز أقول ان هما بيكونوا خايفين أكتر للموضوع يتطور و تتخانق معاهم و الحكاية تكبر و تطحنوا فى بعض لحد ما تلاقيهم بيحاولوا يلموا الموضوع و احنا اسفين ما كانش قصدنا و هتسمع كلام عبيط أصا أمى تعبانة و عايزة الدوا أو ابنى جعان و عايز أأكله و تلاقيهم بيستحلوا الحرام و السرقة و يقولوا عادى ده مش حرام انتوا خولات و حلال سرقتكم
حسبى الل و نعم الوكيل فى كل حرامى سرق جاى الله يذله فوق الأرض و تحت الأرض و يوم العرض

اساليب السرقة

اساليب السرقة متعددة و مختلفة فهناك من سرقك واننته مش واخد بالك يعنى لو كنت عنده ممكن يسرق فلوس من محفظتك أو يسرق كارت الفيزا و لألأسف بعد ما يسرق الكارت ممكن يستعمله و هتلاقى نفسك داخل حوار طويل عشان تعرف فين و امتى و ازاى تم الشراء بالفيزا و مش هتسمع غير كلمة ربنا يعوض عليك و من موظفين البنك حتى المدير لحد مأمور القسم و يختفى الحرامى ابن الشرموطة و يغير رقمه و أهم حاجة ان الحركات ده بتيجى أكتر من ولادد الناس المتعلمين المتربين اللى ما تشكش فيهم خالص فعشان كده يا ريت و انتو بتاخدوا شاور خدوا هدومكوا كاملة معكم و البسوها و اطمنوا على حاجتكم و ما تثقوش فى حد الا بعد فترة من كبيرة من المعرفة أو لو كنتوا تعرفوه كويس
و للحديث بقية

اعلان فيلم طول عمرى

حمل اعلان فيلم طول عمرى غلى جهازك بصيغة flv صورة واضحة و نقية
اضغط على العنوان لتحميل الأعلان

http://rapidshare.com/files/130585093/vid_c296b6b52c3535157e609cddcb3379fa.flv.html

احكى لنا تجربتك

لقد بعث لى الأعضاء بقصص لهم مع محاولات التثبيت و الأبتزاز الذى تعرضوا لها لهذا أرجو من مر بحادث سرقة أو تثبيت و سرقة بالأكراه أن يحكى لنا ازاى حصل معه هذا الموضوع حتى نأخذ حذرنا

لا للحرامية

أحب أن أحذر كافة الأعضاء من انتشار الحراميه على موقع المانجام فلقد انتشرت حوادث سرقة الموبايلات بدون أن تشعر و ايضا سرقة كل ما معك بالأكراه عن طريق جذبك لشقة فتجد بها بضعة أشخاص يقومون باهانتك بأوسخ الألفاظ و أخذ كل ما معك حتى لا يفضحوك
فى خلال يومين أتانى عشرات الرسائل المهتمة بهذا الموضوع و بالأخص حالات التثبيت و السرقة بالاكراه التى نتعرض لها و الكل بيشتكى انه ما ينفعش يبلغ او يعمل محضر و انهم بيحاولوا الخروج من هذا الموقف بلا فضايح
و للأسف هذه الحقيقة
لكن المشكلة الأكبر هى شعور المسروق بحالة من الخوف و عدم الثقة فى كافة الأشخاص و ميله الى الأنطواء
لقد قمت من قبل بكتابة هذه الكلمات فى بروفايل فى المانجام و وجدت استجابة لم أكن أتوقعها لهذا سوف أقوم فى هذه المدونة بنشر طرق و اساليب السرقة و النصب التى تحدث معنا

طول عمرى

فيلم طول عمرى هو أول فيلم مصرى يتكلم عن مجنمع الجاى فى مصر بكافة مشاكله الفيلم هو تصوير لواقع الكبت و الأضطهاد الذى يعانيه الجاى فى المجتمع المصرى و شعوره بالغربة فى وطنه للحصول عن معلومات أكثر عن الفيلم قم بزيارة هذا الموقع
www.maraiafilm.com
لقد أنشئت هذه المدونة لنشر اخبار تهم الجميع أول بأول